شركة مشاريع الكويت القابضة ( مشاريع ) ... 2

[سبيطي]

والله مجمد فلوسنا
ولا في منه فايده
نسال الله انه يتعدل الوضع ونقدر نطلع منه ونفتك

الله يعوض صبركم خير ان شالله ويعينكم

 

[سبيطي]

مايستحون ولا يصدقون بكلامهم وكل اجتماع ومقابله يسولفون لك عن نمو الشركة وارباحها وايراداتها وانهم على الطريق الصحيح .. وان الشركة واجهت تحديات كورونا والحرب الجمركية واسرائيل و و و وكأن هالتحديات بس مرت عليهم !
ولا كأن فيه بالكوكب غير شركتهم ..
لا ومن ضمن كلامهم ايام الدمج انه من اسباب الدمج دوران السهم


‏حسبي الله عليهم
واضح هالسلوك انه متعمد

متابعينهم وطلع ماعندهم غير الكلام للاسف

 

[ابراهيم٦١٣]

بالله هذي سالفه يرتفع فلس وينزل فلس
والله شي يضحك
علي هلحال يبيلنا ٦ شهور علشان يوصل ٩٠ فلس ههههههههههههههههههههههه

 

[a2004a74]

السلام عليكم ورحمة الله وبركاته

 

[ابراهيم٦١٣]

هذا كلام حلو و كل سنه نفس الكلامً
والسهم
سعره ٨٧ نازل من اعلى ارتفاع سنوي
يعني لو خسرانه شنو يصير
تلاقينا ندخل ٤٠ فلس
تحس هذا السهم مامن اهتمام فيه اصلا من ناحيه السعر
يعني ماله قيمه هلكلام اذا ما تحسن سعر السهم وصار في توزيعات
وصار في اجراءات ملموسه لصغار المساهمين الي متعلقين فيه

 

[troy1]

ارباح - اكتتابات - دمج - باعو الخليج للتأمين - باعو جزء من osn - اسهم شركاتهم مرتفعه .
وكل نهاية اجتماع تطلع الرئيسه وتعيد نفس الكلام ونفس الوعود واشكركم على صبركم والخير بقبال وهالحجي اللي حفظناه ومامنه فايده ..
العتب انهم شيوخ والله مغنيهم عن حلال الناس
الكل يدري ان الصعود والنزول برغبة الملاك فلا ظروف اقتصاديه ولا خرابيط
تكفى شركة عقارات متحدة سنوات تتداول تحت ال50 فلس ومشاريع تزيد حصتها وتشتري اسهمها يوم طافت ال200 فلس ههههههههه حركات غريبه الصراحه

اصلا يمكن تلاقي حسبتهم للسهم يضربون سعر السهم ب 2 كون كل سهم بالقرين يقابله سهمين بمشاريع ف سعر القرين على إغلاق اليوم يساوي بحدود 170 فلس .. لا تستبعد على صانع السوق شي يمص الفصمه وجعص برو ماكس

الله يعاملهم بعدله ويشغلهم بصحتهم واموالهم وعيالهم
ولا يسلطهم على حلال المسلمين

 

[ابراهيم٦١٣]

اليوم الظاهر من كتبت انهم اوصلو ٨٧
احلفو الا يكسرون الرقم ٨٦.٨
يعني لو طالبهم ١٠٠ يمكن يسوونهاااا ويعدي بس حسافه
هههههههههههههااااااااي

 

[ابراهيم٦١٣]

طبعا هذا السعر والحمدالله الارباح التشغيليه بلملاييين
ونمشي علي خطوات ثابته نحو الافضل
الصراحه الامور عسل ماتقصرون ننطر نكسر الارقام التاريخيه
يعني الايام راح تخليك تشوف الي عمرك ما شفته
والحمدالله الاصول 44 مليار
الخير قادم بس تمسكو لان الرياح شديده
ههههههههه

 

[nokia70]

خروج الصناعات المتحدة من مشاريع !!!!!!!!!!!!

 

[ابراهيم٦١٣]

بوسلمان صبحك الله بالخير
شنو يفرق اذا استلموا ولا لأ
البيعه تمت وتم تسجيل ارباحها واثارها في الميزانية وانتهى الموضوع يبقى هل الفلوس دخلت الحساب من عدمه او تقسيط المبالغ هذا شي ثانوي ويتعلق بالسيوله والتدفقات النقديه وهذا ما هي اشكاليه لدى المشاريع فلديها السيوله اللازمه لتسيير اعمالها من غير فلوس البيعه
مسألة تراجع الطرف البائع غير مطروحه بتاتا وغير قانونيه البيعه تمت نهائيا وكذلك الطرف الشاري هو نفسه المساهم الرئيسي بخليج تأمين يعني هو مستحوذ ويعرف خبايا الامور

صباح الورد ابو فارس
لو ماعليك امر
نبي تحليل للمشاريع
وشنو ياثر عليها خروجهم من
الصناعات المتحده

هل اثره ايجابي او سلبي علي الشركه
لان الوضع ما يطمن
ويهمني اعرف رايك
وشكرا يابو فارس

 

[ksr911]

والعلم عند الله

سيتم ضغط السهم اكثر لاسعار متدنية ثم عمل تقسيم عكسي لعدد الاسهم المليارية للتتناسب مع ارباحهم اللي اقل من متواضع ويكون راس مال الشركة مثل اتفه شركه مدرجه تحقق ارباح اعلى منهم

صراحه انتو غلطانين لانكم تكبرون وتنفخون هذي الشركة بتعليقاتكم. مشاريع ما عندها غير شركة القرين للبتروكيماويات اللي تدخل عليهم ارباح وباجي شركاتهم عالة عليهم، حتى مجموعة الخليج للتامين اللي تدخل ذهب باعوها لفيرفاكس الكندية، وOSN من خساره الى خساره بينما بنك برقان يوزع منح اسهم ولاهو قادر ينمو بالتناسب مع زيادة راس المال

النموذج والمفهوم التجاري لدى المشاريع غلط ويعتقدون بان حجم العوائد اهم من حجم الارباح. مشاريع بالغصب تطلع ١٪؜ ارباح من العوائد بينما شركات صغيره ومتوسطه SME في الكويت تطلع ٨٪؜ على الاقل ارباح من العوائد.

عصر المشاريع انتهى مع حقبه زمنية مضت واصبح ضروري اعادة هيكلة المجموعة بشكل قوي من ناحية اعداد الموظفين وراتبهم والشركات الغير مدره للارباح وايضا التخلص من القروض الضخمه

 

[حديث النفس]

خروج (شركة الصناعات المتحدة ومجموعتها...) من قائمة كبار مساهمي شركة (مشاريع)، النسبة السابقة: 6.250%.

---

سعر الإقفال السابق: 86.8 فلساً

التقرير اليومي للتغير في نسبة ملكية كبار المساهمين..

 

[يوسف بن تاشفين]

الحذر من أي اقفال تحت 82

 

[troy1]

الله يرحم ابوها وجدها كل الكويتيين يذكرونهم بالخير .. واحنا استبشرنا بقيادتها للشركة قبل 3 سنين
لكن من استلمت الشركة ووضعنا من سيء لأسوء للاسف.
والمشكله عدم الوضوح بكل لقاء او اجتماع مجلس ادارة يقولون لنا عن نمو الارباح وعن هدفهم بتضخيم ثروات المساهمين وتحقيق عوائد لهم لكن الواقع عكس هالكلام سنه عن سنه حلالنا بالناقص ولا عارفين شنو الوضع هل نصدق كلامها والا نصدق الواقع .
والله اذكر اول لقاء معاها بعد الاندماج قالت عام 2023 عام الانطلاقه لمشاريع وما شفنا انطلاقه .. وكل نهاية سنة كلامها طيب ولكن بالواقع المساهم خسران حلاله ولا فيه عوائد .
وشركات كيبكو التابعه تشتري اسهم بشركاتها المدرجه الا مشاريع مايشترون فيها ! ههههههه شي غريب الصراحه
كورونا - الحروب - رفع الفائدة ، تحديات مرت على كل شركات العالم وتجاوزتها ما ادري ليش بس مشاريع مغرزة بهالاعذار كل سنه !

الله يهديهم او يشغلهم بأنفسهم ويكفينا شرهم
لان جد اللي يصير بقيمة سهم بمشاريع مو طبيعي وغير لائق بسمعتها وسمعة المجلس .

 

[ksr911]

مشاهدة المرفق 435626

الله يرحم ابوها وجدها كل الكويتيين يذكرونهم بالخير .. واحنا استبشرنا بقيادتها للشركة قبل 3 سنين
لكن من استلمت الشركة ووضعنا من سيء لأسوء للاسف.
والمشكله عدم الوضوح بكل لقاء او اجتماع مجلس ادارة يقولون لنا عن نمو الارباح وعن هدفهم بتضخيم ثروات المساهمين وتحقيق عوائد لهم لكن الواقع عكس هالكلام سنه عن سنه حلالنا بالناقص ولا عارفين شنو الوضع هل نصدق كلامها والا نصدق الواقع .
والله اذكر اول لقاء معاها بعد الاندماج قالت عام 2023 عام الانطلاقه لمشاريع وما شفنا انطلاقه .. وكل نهاية سنة كلامها طيب ولكن بالواقع المساهم خسران حلاله ولا فيه عوائد .
وشركات كيبكو التابعه تشتري اسهم بشركاتها المدرجه الا مشاريع مايشترون فيها ! ههههههه شي غريب الصراحه
كورونا - الحروب - رفع الفائدة ، تحديات مرت على كل شركات العالم وتجاوزتها ما ادري ليش بس مشاريع مغرزة بهالاعذار كل سنه !

الله يهديهم او يشغلهم بأنفسهم ويكفينا شرهم
لان جد اللي يصير بقيمة سهم بمشاريع مو طبيعي وغير لائق بسمعتها وسمعة المجلس .

اي سمعه ياخوك ما زلت تمجد بهذي المجموعه !!!!!

برقان اقل سعر في البنوك ومافيه نمو لثالث سنة بالارباح
متحدة راس مال ١٣٠ مليون وارباح مليونين لو راس المال وديعه كان طلع اكثر من ٤.٥ مليون
مشاريع راس مال وصل بسبب الاكتتابات السنوية الى نص مليار لان مشاريع مو قادرة تحقق ربح تشغيلي لتمويل عملياتها وقروضها

السوق مليان شركات تنمي رؤوس اموالكم. الخروج الحين بخساره وتلحق باجي الشركات اللي في بداية صعودها للتعويض افضل من الغرق على امل صعب التحقق

 

[Bursa2016]

صباح الورد ابو فارس
لو ماعليك امر
نبي تحليل للمشاريع
وشنو ياثر عليها خروجهم من
الصناعات المتحده

هل اثره ايجابي او سلبي علي الشركه
لان الوضع ما يطمن
ويهمني اعرف رايك
وشكرا يابو فارس

هلا بوخليل
بخصوص المشاريع لم يتغير شي يذكر من اخر قراءه ماليه لها في الربع الثالث 2024
مشاركة في الموضوع '2024 2024 التداول اليومي للسوق 2024 2024'
https://www.indexsignal.com/community/threads/380771/post-4908611

-ارباح هزيله لا تتناسب مع حجم راس المال والاصول الملياريه وبالتالي زياده هزيله بالارباح المرحله وحقوق الملكيه والقيمه الدفتريه رغم ضخامة الارقام لكنها مقابل راس المال والموجودات تعتبر هزيله
-من الربع الثالث 2024 وختى الربع الثاني 2025 اي قرابة السنه زادت:
حقوق الملكيه 25 مليون يعني نمو 4‎%‎ فقط
قيمه دفتريه 8 فلس
- ربحيه نصفيه 1.3 فلس بتراجع بالنمو بنسبة 9‎%‎ من الربع الثاني 2024
-ماليا لابد من اعادة هيكله للميزانية وبيع بعض نسب الملكيات ليتغير تصنيف بعض الاصول من تابعه لزميله ومن ثم تخفيض راس المال الضخم
-فنيا لا يوجد صانع سوق يدعم السهم فهو متروك ومهمل سعريا

بخصوص الصناعات المتحده هي من خرجت من ملكيتها بالمشاريع وليس العكس وقد يكون التخارج ليس بالكليه ولكن نزل عن ال 5‎%‎ فقط وكذلك لابد معرفة من الشاري قد يكون طرف ذو صله مع المشاريع مع العلم ان المشاريع تملك 79‎%‎ من الصناعات المتحده يعني هي المتحكمه بقرار الصناعات المتحده وبالتالي فان تخارج الصناعات المتحده من المشاريع تم بقرار من المشاريع نفسها، ما هو السبب الله اعلم لكنه بالتأكيد سبب ايجابي وليس سلبي
تحياتي

 

[حديث النفس]

2025/08/27م

اسم السهم​	السعر السابق​	أعلى سعر​	أدنى سعر​	السعر الحالي​	التغير (فلس)​	حجم التداول​	القيمة​	الصفقات​
مشاريع​	86.8​	87.4​	86.9​	87.3​	+0.5​	2,667,809​	232,345​	135​

متوسط السعر: 87.1 فلساً

---

2025/08/28م

اسم السهم​	السعر السابق​	أعلى سعر​	أدنى سعر​	السعر الحالي​	التغير (فلس)​	حجم التداول​	القيمة​	الصفقات​
مشاريع​	87.3​	87.5​	86.7​	86.9​	-0.4​	5,107,860​	444,213​	158​

متوسط السعر: 87 فلساً

---

بعض المصادر الإخبارية ذكرت بأن (شركة إيكويت للبتروكيماويات) قد أعلنت عن أرباحها!

شركة (بوبيان ب) تملك 9%
شركة (مشاريع) تملك 6%